نصب قولدن - مجلة موقع نصب لوكيشن الموقع الأول الذي يهتم بالدشير ويعاملهم معاملة طبيعية

أضف إهداء - منتديات نصب لوكيشن - نصب قولدن - قروب نصب - الجريدة

تاريخ العدد : منتصف العام ( 2010 )

مهوب إشاعة...

هالمره يكتب الزاوية الفايزه في مسابقة ذياب - تعبـ قلبي }

أقدم المدعو نصاب هيه على خيانة حبيبته المزعومه بالمدعوه منيرة جمال الدين عابدين نور القرآن فتح القدير والتي تنتمي لبدو نيودلهي و قالت منيرة التي بعد ذلك شبكت مع واحد ثاني : أن نصاب هيه كان يدرس معها في نفس الجامعه المخيسه التي رمتها الأبقار اقصد الاقدار فيها وبينما كانت مرتزعتن تقرأ كتاب بعنوان ( بيت فافي جنجال كتير ) لمؤلفه النابغه / كومار خان توفيق من الله نور الدين فتحي والذي هو من أصول مصريه

هذا المقطع لما طبت عليهم الهيئه أقصد منيره

فقد كان يسترق النظر إليها و إلى الفلفل الذي كانت تقشم به آنذآك فقرب منها دون سابق إنذار و نقز عليها إيما نقزة والتي رمت بالكتاب أرضا على أثرها ثم اكتشفت انه نقز عليها لأنه مشتهي الكاري اللي بالغلاف.
فرحمته وقالت له وهي تصقع كتفه ( يابن الهلال القربه قربة الروه مو الوتن ) يعني ( يابن الحلال الغربة غربة الروح مو الوطن ) فقررت الجمع بين الحضارتين بدو الهند وبدو السعوديه فقررت انها تسوي له كاري بالمفطح ...
ولقد انها عزمته في بيتهم وقالت له ( هي الله من زار وخفف والبيت بيتك ) و أبو الشباب لقد انه لم يصدق خبراً فعزم خويته التكرونيه أقصد السمراء ولا احد يزعل وقلطها بالمجلس وقعدوا يلعبون كيرم فقلطت عليهم منيرة تبي تحط السفرة فوجدته يلعب بكل ما أوتي من برأة السعوديين مع خويته فنادت اهلها وصفقوه ايما تصفيق وخرج من البيت متسطرون وماكلن تبن .. و قال لأبو من يشبك هنود .. الله يا خذكم ...

وقد شارك في اللطم والتسطير كلن من :

سهرات والتي لديها خبره في اللطم وقد لطمته ولطمت نفسها مع الحماس ولطمت البزر و كل العالم ... والهنديه خويته ام الكاري وهي التي ظهرت في المقطع وهي تسطره بكل الحماس الذي عندها وصقعته بقلقة القاف على خشته بطاولة الكيرم ...
و بقية نساء البيت الذي كانت مستاجره عندهم سهرات ... ولقد قال شاهد عيان أن سهرات انما فزعت مع اهل البيت عشان يخفضون لها الإيجار حق البيت ، ولكن سهرات نفت ذالك عنها ... فيما قالت مصادرنا النصبيه الموثوقه أن الذي لقد انه شارك في تصوير الحدث و مد طاولة الكيرم للهنديه إنما هو بيق لاير ولقد انه سوى ذلك ليظهر بمظهر الفزعه ويشبككها نظراً لأنه سالت سعابيله لما شم ريحة المفطح ....

ومن مصادرنا النصبيه عرفنا انه تزوجها بالسر قبل أهلها ما يدرون

تغيير أســـامي


	الكاتب: طعيسان }

	تغيير اسامي ؟ انا عندي عقدة من الاسامي أول ماولدت كان شعري طويل .. وقالوا لابوي مبروك جالك بنت وسماني خديجة .. وبعد شوي رجع الدكتور لم أبوي وقال تراه ولد مو بنت ثم راح ابوي للاحوال يغير اسمي .. قالوا له لازم تعلن بجريدة محلية وتجي بعدي شهرين وعلى أيامي ما كان فيه جرايد محلية قال ابوي توه صغير لامن جينا ندخله بالمدرسة نعلن ويوم جيت ادخل المدرسة رفضوا يدخلوني يقولون جب اثبات انه ولد .. قال ابوي قسمن بالله إنه ولد قالوا هئه .. وسجلني أبوي بمدرسة بنات لاتفوتني السنة .. ويوم وصلت خامس ابتدائي خلصت معاملتنا وتغير الاسم وصرت "طعيسان" قاموا العيال ينادوني خديجة في الفصل وانا ابتسي قلت لابوي رجعوني مع صديقاتي ندى وسارة مايضحكون علي وبعدين أنا تعودت عليهن قال ابوي انت رجال لازم تدرس بمدرسة رجال .. وسميناك طعيسان عشان تحس بالخشونه ومن ذاك اليوم وانا معقد وما احب نفسي

زواج !


	الكاتبة: الطــــاووسهـ }


	تستعد الفنانه الاستعراضيه (نهوّنها ولاهي رقاصه اصلاً خخخ) الذائعه الشهره/ كلي لكـ..لإقامة حفل زفافها للمره السابعه عشر بعد المئه :وووول: على الأخ (كـلها لي) طيب الله ثراه ، وعند سؤالها عن ظروف هذا الزواج قالت بالفم المليان سنون / هذي هي الحياه وأكبر غلط الواحد الي ييأس عند اول فشل.. المفروض يحاول ويحاول ويحاول ، يحـ........... *وعلللللق الشريط بس سمعت انها كررتها حول الميه وسبعطعش مره الجدير بالذكر أن (كلها له) ما تشرطت ع المعرس المنكوب ذا أكثر من شبكه عباره عن "طقم سنون من الذهب الخالص عيار اربع وعشرين ساعه لتصبح في نظر الحريم مره فاهمه وذيبه <ذياب محد ناداكـ استرح الا كم سعر جرام الذهب اليوم...؟ كلي لكـ <----- إدهــكي

زواج ثاني !


	بواسطة: الأيقونة العميا }


	شوهد احدهم يخرج من منزل احدى المسنات متلطما ويتلفت يمنة ويسرة والذي اتضح لنا فيما بعد انه مسطحينه الذي لم يكشفه سوى زبيريته المنقطعه التي ورثها عن جده السادس والعشرون وعلى الجانب الاخر وفي الوقت ذاته شوهد المربوش يطل من سور مقبرة البقيع وهو صايل وكله شرهه على مسطحينه الذي استغل وفاته وتزوج أرملته مسيارا.. ولما لم يلتفت له إلا عيون الموتى طقته الروعه وعاد بهدوء ادراجه

العائلة العميا تلبي الدعوة


	الكاتبة: العائلة العميا }

	في احدى الصباحات الجميله .. استقلت العائله القطار تلبية لـ دعوة احدى البتاتيع اللذي اصر إلا ان يحضرن لـ مزرعته بالرياض ومن باب الذرابه والسناعه احضرت العائله معهم شطار الـ [تست ] لـ قضاء نزهه ممتعه واتصلت العائله بالمدعو أعلاه الذي تجاهل المكالمه الثالثه والثلاثين وكأنه لم يسمعها .. ولم يكن بالصعب على العاشقه اخراج خريطة الرياض اللتي تلفزها تحت ابطها دائما .. وتم تحديد موقع المزرعه بكل سهولة ويسر وعند الوصول انكبت العائله من القطار منتشرين في كل مكان .. فاصبحوا يلعبون بالحراثه ..وأفسدوا الزرع والحصاد ..وبعد ذلك ذهبت لتبحث عنه لتفاجئه بإنهم رغـم كل شي ورغم نقله لموضوعهم لـ لاعاد تعودها إلا ان العائلـه تناست الموضوع بطهارة قلب وبياض كـ اعينهم واثناء التجول بالمزرعه سمعت العائله صوت أحداَ يجتر !! فأخذت تقترب من موقع الصوت الذي يخرج من شبك الغنم ..و اقتربت أكثر وأكثر حتى إنصدمت وذهلت من المنظر لم ترد العائله ان تعكر صفو مزآجه .. وأبتعدت ببطء وتركته يأكل وجبته المفضله

خشم بمواصفات خاصة


	الكاتبة: ســـذر }


	حالة خشم خاشوم يبي له تمعن ودراسه وتامل بهالمخلوق الغريب هههه ابو خشم مفلطح فار المعامل .. يعني اعذرني ياخاشوم "بضم الواو "اني اقول حقيقتك ... سبب تسميته بـ ابو خشم مفلطح .. قبل مايعرفو الناس عمليات التجميل والقص واللزق كانت تاخذه امه كل صباح توديه عند بقره تدوس ع وجهه , يبون اي شي بوجهه يصير اكبر من خشمه فـ باتت محاولاتهم بالفشل واللي كانو يتاملونه كان يطلع ع البقره .. جت المرحله الثانيه من حياته وكبر خشمه بزياده عاد ايام المراهقه ينمو بسرعه وياخذ مساحات من وجهه فـ استسلمو اهله للامر المحتوم .. ولما اصبح فارمختبرات تحول خشمه الى مفلطح بسبب تاثير الادويه الي يشمها بالمعمل وحتى مخه اتاثر بسبب ماياخذ شهيق من الاكسده والكربونات .. واثبات ع كلامي جبت الدليل شوفو موضوعه بقسم الحشاشين (مجلس رجال الحريم يروحون من بابهم ..الصفحه الثانيه :الرد 16 , 17 ) يجيه غيبوبه يفقد ويصحصح ويضحك ع نفسه ... وهو حاليا مرشح يصير ع الحدود يشم سيارات (طبعاا لخدمة الوطن) يشم ع مايقارب بعد 30 كيلو ,, خبر حصري لنصب .. * مايعرف الزكمه ابدا بسبب فوهة خشمه الكبيره اي تسرب منهاا يدخل الدكتور فيهاا يسمكره ويطلع * لما كان يتهاوش مع اخوانه ,, كان ابوه يربط خشمه بحبل ويربط الحبل بنخله

محيسن والزمن طويل ..


	الكاتبة: الرقطاء }

	السلام عليكم شنبات وشباصات.. بما اني مخضرمة بالمنتدى ومشاركاتي قليلة مثل ماانتم شايفين .. السبب في معرفتي بوجه النحس " محيسن".. طبعا مافيه احد بالمنتدى يدري ان الرقطاء ومحيسن المعروف بـ " محصن" تربطنا صلة قرابة.. وهالصلة هي اللي منحشتني من المنتدى مايبغاني اقول لأحد.. وكل ماصار بينا خلاف نقص من مشاركاتي .. وهالحين بطلع المستخبي علي وعلى اعدائي.. مالكم بالطويلة.. محيسن معروف بالعائلة انه مهايطي يحب يهايط بالطالعه والنازله.. المهم ذاك اليوم قاعد يهايط وينافخ كما العادة الا وعلى دخلت خالي وخالي هذا دينه ولا دين محيسن .. مسكه تهزيء برد كبدي فيه .. اخليكم مع المشهد: خالي: السلاا..ماكمل السلام يوم شاف محيسن خربت الاخلاق انت هنا وش جابك الله لايحيي العدو.. محيسن : يطالعه بأستحقار.. خالي: مو الف مره قايل لك لاتطالع اللي اكبر منك كذا انت مبين ان مافيه احد عاجبك لكن هالعقل لا لعب على ظهرك بتتعلم السنع محيسن : ماطقني ابوي عشان تطقني انت رز طوله .. مادرى الا ذاك المخمس اللي دار وجهه ياللي فيك ومالا فيك ياا.... مااقدر اكتب الكلام من شينه هههههههههههه بس بذاك اللحظة انتابني شعورين فرحة بكسرة خشمه وبنفس الوقت كسر خاطري خخخخ اول مره ارحمه خخخخخخخخخخخ بعدها طلع واختفى عن الانظار .. كلن يستائل وينه؟ <<< عارفه مكانه لما يتهزأ يروح له " غرفة جدتي".. اطق محيسن ياهوه افتح عارفه انك فيه ياولد مطنش مايرد.. فأحشروه بزاوية وش كان قاعد يسوي بذيك اللحظة معقولة يبكي ؟! ههههههههههههه عاد انتم عارفين اساس اللعبة كلها صدق * صدق واعوذ بالله ما نكذب تخيلوا "محسن" يقرب لي كان انتحر هههههههههههه.. بس حبيت ارزه شوي انه يقرب لي <<<<< فديت الواثقة ياناس ههههههههههههههههههه

خصوصية المشروبات!!


	الكاتب: المربوش }


	لا أعلم من وين ومن فين تأتي الناس بعض الإعتقادات و التحليلات و التخيلات ، فمثلاً : الخوال يحبون ميرندا البرتقال أو فانتا البرتقال البزرنجية يحبون الشاني ، كله عشان مقولة علشانك وعلى شاني تعال نشرب شاني القصمان يعشقون شيء أسمه زنجبيل ، حتى الفيمتو في رمضان الظاهر أنهم يحطون معه زنجبيل والبنات يحبون ميرندا فراولة ، ما أدري وش العلاقة بين البنات و الفراولة اللبنانيين ما يحبون ألا السبرايت ، ولو تروح لبنان ما تلقى قدامك ألا سبرايت ، تخش مطعم ماعندهم ألا سبرايت ، تخش ملهى قبل الغرنوق يعطونك سبرايت ، تروح البقالة وتفتح الثلاجة تلقاها كلها سبرايت ، لأنهم سرابيت السعوديين بشكل عام ، ما عنهم وعن الشاي ، وسمعت أن الربيعة بيغير مسميات بنوك الدم في المستشفيات إلى بنوك الشاي الخصوصية مطلوبة صحيح ، و الحرية في إختيار المشروبات موجودة ، بس عند ربعنا لا ، إذا شافوك تشرب شاني قالوا عنك-->( راجع أعلى الصفحة بجانب الشاني كي تعرف نصيبك من التحليل) و إذا شافوك تشرب ميرندا فراولة ، قالوا عنك يالخوكري والله ماعرفنا لهم أنا من رأيي أننا نسوي مثل الأمريكان إذا جوا بيسكرون ، ناخذ كيس ورقي ونغطي به المشروب اللي قاعدين نلتحه عشان نسلم من تعليقات وإعتقادات ربعنا ولكم هذي القصة اللي صارت مع أحد أخوياي وهو طبعاً من أهل الرياض لكن عمله في ينبع ، وتوه جديد هناك : يقول : دخلت بقالة ، وشريت لي فطيرة جبن و معها شاني ، ويوم جيت أحاسب الهندي اللي في البقالة ، يقول : أن أبو هنود طيّح الميانة معه وقعد يناظرني من تحت لفوق ، وقال له : أنتا نفر خربوطة ، قال له : ليه ، وش بلاك ؟ قال الهندي : كولو نفر شيل شاني هازا مافيه كويس يقول قسم بالله رجعت الشاني وخذيت لي ببسي ، و سألت واحد عن السالفة وقال لي أن اللي يشرب الشاني هو من أصحاب السوابق مع التينز و المراهقين وحقين الكسرات و الخرابيط يالهوي بالي ، ياخرااااشي لهالدرجة عاد والله ياحوب ، أشرب كل ما تقع عليه عينك ولا عليك من أحد ، وخلوا هاللي يعتقد ويحلل يحلل ويعتقد على نفسه والله كريم .

الخطوط النصبية اللوكيشنية

الكاتب: نصاب محتال }

بعـد أن توقفت جميع الرحلات الجوية لــداخل وخارج أوروبا جراء ما خلفه بركان آيسلــند ، أعلــنت إحدى خطوط الطيران الجديدة وتدعى خطوط نصب لــوكيشن عن إنطلاق رحلاتها غصبن عن أبو البركــان ،وأضــاف مدير هذي الخطوط تست تو بأننا لا نخشى أي عوائق بسب ما خلفه هذا البركان وأننا على أتم الاستعداد لــتلقي أعداد كبيرة من المسافرين.
الجدير بالذكر بأن تست تو أعلن في وقت لاحق، عن توزيع التذاكر بالمجان معللاً بأن التذاكر من جهنم الأرض إلى جهنم السماء للأوربيين وخاصة زعماء الدول يجب أن تكون مجاناً بدون مقابل، كما نصح جميع المسافرين بأخذ أكفنتهم معهم لسبب مجهول

ولد عاشق ورقية


	الكاتبة: زووم }

	لاشك أن العضو عاشق رقية مر بفترة صدمه نفسية من خبر حمل رقية منه ،خصوصاً بعد تجاوزها سن اليأس .. ! ولكن بكلمتين حلوين منها وتأكيدها له بأنها ستنجب في الشقه الخاصه وعلى يد داية عميا وطرما مابتجيب سيره لحد .. رضي بالأمر الواقع واتفق معها على تحمل كافة تكاليف احتياجات المولود وشراء مايلزم لإستقباله .. فبدأ يحوس بين الدكاكين ومحلات أبو 10 ريال لشراء الطلبات .. لكنه توهق وبقوووه ، فكل السلع متشابهه ! ولكن الشي الوحيد اللي عرف أنه يصلح للمواليد هو بودرة جونسون للأطفال والدليل .. هذي الصوره اللي ارسلها لرقيه برسالة وسائط حتى يثبت فيها أنه قد كلمته .. هنيالج يارقيه .. عندج عشيق قول وفعل!

رحلة عمل


	متابعة: محسن }


	وصلنا الكثير من الرسائل اللي كلها تصب في موضوع واحد وهو سبب غياب البتاع ملكع .. فحسب ما يذكرون لنا بعض من النصابين الثقات اللي رايحين لتايلاند للتجارة الشريفة .. إنهم متقابلين مع ملكع هناك .. وكما عهدناه أب لجميع النصابين .. فقد وصّى عليهم التايلنديين اخوياه .. والحمدلله ضبّطوهم ورجعوا من رحلتهم التجارية بصفقات ناجحة بكل المقاييس بفضل الله ثم بمساعدة ملكع .. ومن ناحية وش عنده رايح لتايلاند .. يقولون النصابين إنه قايلهم السبب ومحلّفهم إنهم ما يعلمون أحد .. وكان هذا آخر ظهور علني له ..

سرقة لابتوب قلم وردي

الكاتبة: سهرات }

خبر هام و عاجل ومن الخباز مباشره..
اخبرني حرامي مستخبي في بيتهم
انه تمكن من سرقة لابتوب قلم وردي بنجاح و جاري البحث عن اسرار عريضه فيه
مع ان الجهاز كان مقفل بكلمة سر الا ان حرامينا المحترم فتح الجهاز و بسرعه
وقد وصلتني هذه الصوره التي تثبت هذا الشي

و اود اكشف لكم الستار عن الحرامي المحترف
"ذياب" << ابلشت حالك و كتبت الموضوع خخخخ
وهذي صوره له من كاميرة المراقبه و هو هربان من مكان الجريمه

وقد تم القاء القبض عليه
وجاري تجرير المعلومات الي طلعها من الجهاز منه

مبروك لقلومه رجعت جهازها بالسلامة ..

تجليـــــــــــات ..


	تكتبها لكم: مجرد أقنعه }


	ملامح وجوههم تختلف.. أصواتهم تختلف.. ملابسهم تختلف.. وروائح عطوراتهم أيضا تختلف.. وأسلوبهم يختلف..اسماؤهم مؤكداً ..كذلك تختلف..!! إلا انهم متشابهون.. حد الإستنساخ.. منتجون.. من ذات المصنع ولذات الغرض .. يحملون نفس الأهداف.. والأفكار لهم قصص متشابهه ..مختلفه.. وفروقات شاسعه..متطابقه هم حولكم..بينكم.. يتنفسون أنفاسكم.. ويشاركونكم أحيانا القهقهه..بإستمتاع أنــت/أنتـــي : لاتعتقدون أنهم..بعيدون جداً عن عالمكم.. فقط التفتوا حولكم بحذر..وستجدونهم يبتسمون لكم بسحر ...!! دققوا أكثر في الملامح..كما دققت.. وإقرأوا مابين السطور والجمل بخفه..كما قرأت.. فتشوا بذكاء عن الثغرات المرممه بإتقان..كما فتشت.. واعدكم بإن تجدوا.. ما وجدت من مفاجأت وأكيد.. ستشكروني..إ انتظروني..!!

زواج ثالث !!


	الكاتبة: Crystal }


	يقال فيما يرا النائم ان نصاب محتال داقها صحبه مع هنغاريا (فتاه هنديه موب الدوله ) ومطلع هذي السنه عزم ان يتزوجها وقالهم الزواج بيكون على عادات السعوديه وبدفع مهرتس انا ياحبي يا هنقارو (دلع الماخوذه) فقالت إللي تشوفه ابن عمي ودفع نصاب المهر وتم الزفاف وبعد اسبوع انحاشت هنقاريا بالمهر ودفعته مهرا لحبيبها كنقارو حربتوس وطلقها نصاب وعانا الأمرين عندما أحس بدوار ودوخه خصوصا صباحا فأتضح انه حامل لفايروس صغير فأرسل لي مشكلته عالخاص لما رأى حنكتي في الازمات فعرضت عليه الزواج وأن اكتب الفايروس بأسمي لكن نصاب رفض العرض وقال للفايروس سأقتلش وفعلا قتل الفايروس وهو يمضي عقوبته في أحدى سجون الهند ونبي كفاله عشان نطلعه هذي صورة نصاب داخل السجون الهنديه ولم يسمح لنا بالتصوير اكثر وهنا نصاب وهنقاريا يوم الزفاف

جاري البحث عن ..

مدير التحرير: أبو تتن }

    * الزلفــاوي { مطلوب علشانه سارق صورة محسن ومشارك فيها في المسابقة .. غش ما يصير
    * كاريزما { شباب الديوانية يدوّرونها بعد ما تسلفت منهم شيشه وباك معسل تفاحتين واختفت عن الأنظار .. الله اعلم جاز لها الراس
    * البــدوية { اختفت وهي ماخذه عهده من المنتدى عبارة عن "شماغ" .. ومطلوبه حيّة أو ميّته
    * قيمر { لا زال البحث جاري والتحريات قائمة هل هو شنب ولا حرمه!
    * كريزي { مطلوب في قضية اختلاس!
    * الهنـــوف { ماخذه ملّاس من سوق الحريم .. ومزنه تلاحقها قانونياً!
    * تؤبر تسبدي { مضيعه إقامتها .. وإن شاء الله تلقاها قريب أو بيسفّرونها!
    * زووم { تبحث عن علبة ألوانها .. والشكوك تحوم حول قلم وردي بما إنها راعية أقلام وسوابق.
    * كرستال { محررين نصب قولدن يبحثون عنها يبون يجلدونها بعد ما قطعت رزقهم بمجلتها الجديدة.

مع نصب قولدن .. أنت على الطريق الصحيح

عزيزي النصاب .. تحس عندك موهبة الكتابة؟

ارسلها لنا..عشان تصير مشهور { اضغط هنا }

صفحات سابقة : 1 ، 2 ، 3 ، 4 ، 5 ، 6 ، 7 ، 8 ، 9 ، 10 ، 11 ، 12 ، 13 ، 14 ، 15 الأخيرة .

منتديات النصابين

موقع الإسلام سؤال وجواب

موقع الإسلام اليوم

شات صوتي